ABC (क्राईमबिट)
दाङ । प्रहरीले चोरीमा संलग्न एक भारतीय नागरिक सहित ८ जनालाई सार्वजनिक गरेको छ । जिल्ला प्रहरी कार्यालय दाङले आज उनीहरुलाई सार्बजनिक गरेको हो ।
प्रमुख एसपि सुरेश काफ्लेले मोटरसाइकल चोरी भएर नागरिक पिडित भएको गुनासो आउनासाथ आफुले गम्भिरतापुर्बक अनुसन्धानमा जुट्न निर्देशन दिएपछि प्रहरीलाई सफलला मिलेको बताउनुभयो ।
जिल्ला प्रहरी कार्यालय दाङबाट सइ युबराज गौतमको कमाण्डमा खटिएको प्रहरी टोलिले चोरिको मोटरसाइकल सहितको गिरोहलाई समात्न सफल भएको हो । जिल्ला प्रहरी कार्यालय दाङका प्रबक्ता डिएसपि मुकुन्द रिजालले घटनाको थप अनुसन्धान भइरहेको बताउनु भयो ।
चोरीको मोटरसाइकलको गिरोहमा ग्यारेजमा काम गर्ने पनि रहेको अनुसन्धानको क्रममा खुलेको छ । चोरीका मोटरसाइकलमा उनीहरुले ५० हजार लगानी गरेर १ लाखदेखि २ लाख सम्म बिक्री गर्ने गरेको खुलेको प्रहरीले जनाएको छ ।
