ABC (क्राईमबिट)
काठमाडौं । नेपाल प्रहरीमा प्रहरी सहायक निरीक्षक असई पदका लागि लोकसेवा आयोगले गत मंसिरमा लिएको 
लिखित परीक्षाको नतिजा बिहिबार प्रकाशित भएको छ । 
प्रहरी प्रधान कार्यालयले २०७६ माघ १ गते प्रकाशन गरेको विज्ञापनअनुसार ५१३ जना लिखित परीक्षामा उत्तिर्ण भएका छन् । 
- लिखितमा उत्तीर्णहरुले विशेष स्वास्थ्य परीक्षण परीक्षा दिनुपर्नेछ ।
उत्तीर्ण उम्मेदवारहरुको आगामी साउन ३, ४ र ५ गते नेपाल प्रहरी अस्पताल महाराजगंजमा विशेष स्वास्थ्य परीक्षण हुने प्रहरी प्रधान कार्यालय
मानवस्रोत एवम् प्रशासन बिकास बिभाग, भर्ना तथा छनौट महाशाखाले जनाएको छ । 
प्रहरी प्रधान कार्यालयकाअनुसार स्वास्थ्य परीक्षमा सहभागी हुनेहरुले सक्कल नागरिकता तथा प्रवेशपत्र साथ लिई आधाघन्टा अगाडि उपस्थित हुनु पर्नेछ । 
विशेष स्वास्थ्य परीक्षणमा उत्तिर्ण हुने उम्मेदवारहरुको आगामी साउन १३ गते प्रहरी प्रधान कार्यालय, नक्सालमा पाँचौं चरण अन्तर्गत सक्षमता परीक्षण 
( Competency Test: Group Discussion) तथा अन्तर्वार्ता परीक्षा संचालन हुने नेपाल प्रहरीले जारी गरेको सूचनामा उल्लेख छ । 
साथै उक्त नतिजाको पूर्ण विबरण नेपाल प्रहरीको 
वेवसाइटमा समेत राखिएको छ । 
