ABC (क्राईमबिट)
धनगढी । कैलालीको टीकापुरमा मृत फेला परेका भनिएका साढे ३ वर्षीय नाबालकको सँगै जामन खान गएकि दिदी नाता पर्नेले हत्या गरेको खुलेको छ । प्रहरीले इलाका प्रहरी कार्यालय टीकापुरमा विहीबार पत्रकार सम्मेलन गर्दै साढे ३ वर्षिय बालक विवेक बिष्टको हत्या सँगै जाम‘ुन खान गएकी उनकै दिदी नाता पर्ने १५ वर्षीया किशोरीले गरेको सार्वजनिक गरेको हो ।
हत्या आरोपमा प्रहरीले दुई किशोरीलाई पक्राउ गरेको छ । उनकै दिदी नाता पर्ने १५ वर्षीया किशोरी र उनकी साथीलाई प्रहरीले पक्राउ गरेको हो ।
जिल्ला प्रहरी कार्यालय कैलालीका प्रहरी प्रमुख एसपी विश्व अधिकारीले प्रारम्भिक अनुसन्धानको क्रममा विवेककी दिदी नाता पर्ने किशोरीले हत्या गरेको स्वीकारेको बताए । उनका अनुसार दिदी नाता पर्ने युवतीले जमरा कुलोमा धक्का दिएर विवेकको हत्या गरेको स्वीकारेकी छिन् ।
प्रहरीका अनुसार ति किशोरीले पारिवारिक रिसिइबीका कारण हत्याको योजना बनाएकी थिइन। प्रहरीको प्रारम्भिक अनुसन्धानको क्रममा नाबालकको हत्या उनकै दिदीले गरेको देखिएको छ । विवेकले लगाएको बाला ति युवतीको साथीसंग फेला परेकोले र त्यि बालाको विवेकको परिवारले पहिचान गरिसकेकाले उनलाई पनि पक्राउ गरिएको हो । सोमबार ११ बजेदेखि बेपत्ता भएका बालकको बुधवार जमरा कुलोको किनारमा शव फेला परेको प्रहरीले जानकारी दिएको छ ।
