(ABC-Sanchar)
दाङ । दाङका प्रमुख जिल्ला अधिकारी आइतवार (मास्क) खोइ अभियान सञ्चालन गरिएको छ । यस प्रकारको अभियानलाई निरन्तरता दिदै आएको छ । दाङ जिल्ला उद्योग वाणिज्य संघको आयोजना तथा जिल्ला प्रशासन कार्यालय दाङ र जिल्ला प्रहरी कार्यालय दाङको समन्वयमा घोराहीमा मास्क खोइ अभियान सञ्चालन गरिएको हो ।
अभियान प्रमुख जिल्ला अधिकारी रामबहादुर कुरुम्वाङ र जिल्ला प्रहरी कार्यालय दाङका प्रमुख सुरेसप्रसाद काफलेले, दाङ जिल्ला उद्योग बाणिज्य संघका पदाधिकारीहरुले मास्क नलगाउने लाई मास्क वितरण गर्नुको साथै सचेत बनाएको संघका अध्यक्ष टंकसिंह वुढाथोकीले जानकारी दिए । उनीहरुले पसल तथा सडकमा हिडने रहेका नागरिकलाइ मास्क वितरण तथा मास्कको सही प्रयोग गर्न आग्रह गरेका थिए ।
प्रमुख जिल्ला अधिकारी कुरुम्वाङले नागरिकलाई स्वास्थ्य प्रति सचेत हुन आग्रह गरेका थिए । आफनो स्वास्थ्य प्रति आफै सचेत हुनु पर्ने उनको भनाइ रहेको छ । कोभिड १९ को सङक्रमण बाट बचाका लागि मास्कको प्रयोग गर्नु पर्ने भन्दै सचेतना बनाउने काम गरि राखेको उनको भनाइ रहेको छ ।
लकडाउन खुकुलो भए पनि कोरोना सङक्रमणको जोखिम कामय नै रहेकाले सचेत हुनु पर्ने बुढाथोकीले बताए । संघले व्यवसायी तथा नागरिकलाई सचेत बनाउन कार्यलाई निरन्तरता दिने संघका महासचिव महेन्द्र वुढाथोकीले जानकारी दिए ।
