(ABC-Sanchar)
दाङ । घोराही-लमहीसडक खण्ड अन्तर्गत मसोटमा सवारी दुर्घटना हुदा ५ जना घाईते भएका छन् । घोराही उपमहानगरपालिका वडा नम्बर ३ मसोटको मोडमा आज दिउँसो यात्रुवाहक बस र जीप एकआपसमा ठोक्किँदा एकआपसमा ठोक्किँदा ५ जना घाईते भएका हुन् । घाईते हुनेमा जीप चालकसहित सोही गाडीमा सवार हुन् । 
भालुवाङबाट घोराही तर्फ आउदै गरेको रा १ ज ७०६ नम्बरको जीप र घोराहीबाट लमही तर्फ जाँदै गरेको ना ५ ख २८०८ नम्बर यात्रुवाहक बस ठोक्किएको जिल्ला प्रहरी कार्यालय दाङले जनाएको छ । घाईतेहरुलाई उपचारका लागी घोराहीको राप्ति स्वास्थ्य विज्ञान प्रतिष्ठानमा ल्यएको र घाईतेहरुको अवस्था सामान्य रहेको जिल्ला प्रहरी कार्यालय दाङका प्रहरी प्रबक्ता डिएसपी मुकुन्द रिजालले जानकारी दिनुभयो । 
घाईते हुनेमा प्यूठान ओखरकोट ३ का ८३ वर्षीय मंगलसिंह सुनार, सोही ठाउँका ५८ वर्षीय शेरबहादुर सुनार, प्यूठान खैरावती २ का ३९ वर्षीय ठगबहादुर बुढामगर, खैरावती ३ की १६ वर्षीया सर्मिला बुढामगर घाईते हुनुभएको छ । यस्तै, जीप चालक र अर्का एक जना पनि घाईते भएका छन् ।
सबैको अवस्था सामान्य रहेको जिल्ला प्रहरी कार्यालय दाङका प्रहरी नायव उपरीक्षक रिजालले जानकारी दिनुभयो । दुवै सवारी ठोक्किएपछि सवारी आवागमन केही बेर अवरुद्ध भएको थियो । प्रहरीको टोली पुगेर दुर्घटनाग्रस्त सवारी साधन सडकबाट छेउँ लगाएसँगै आवागमन सुचारु भएको छ ।
