ABC (क्राईमबिट)
धनगढी । जिल्ला प्रहरी कार्यालय कैलालीका प्रमुख प्रहरी उपरीक्षक विश्व अधिकारी सहित ९ प्रहरी पुरस्कृत भएका छन । टिकापुरका साढे ३ वर्षको बालकको हत्या भएको घटनाको सफल अनुसन्धान गरेको भन्दै एसपी सहित ९ जना प्रहरीलाई पुरस्कृत गरीएको छ ।
घटनाको तोकिएको जिम्मेवारी इमानदारी तथा त्रुटिरहित ढङ्गबाट सम्पादन गरेको भन्दै सुदूरपश्चिम प्रदेश प्रहरी कार्यालयका प्रहरी नायब महानिरीक्षक पुरुषोत्तम कँडेलले जिल्ला एसपी विश्व अधिकारीलाई पुरस्कृत गरेका छ्न ।
अनुसन्धानमा खटिएका अन्य ८ जनालाई एसपी अधिकारीले आफैँ पुरस्कृत गरेका छन्।
पुरस्कृत हुनेमा ईलाका प्रहरी कार्यालय टिकापुरका प्रहरी प्रमुख डिएसपी प्रकाश सापकोटा, प्रहरी निरीक्षक लालबहादुर ऐर, प्रहरी सहायक निरीक्षक अनिल शाह, कृष्ण मल्ल, प्रहरी हवलदार गणेश बहादुर सेठ्ठी छन्।
यस्तै, प्रहरी जवान जयराम चुनारा, शिशिर शर्मा र नन्दराज भट्ट छन्।
गत असार २० गते टीकापुर नगरपालिका–१ ब्लक नम्बर ८ स्थित मनुवा रोड बस्ने साढे ३ वर्षीय विवेक विष्ट बेपत्तापछि मृत फेला परेका थिए।
सोही प्रकरणमा प्रहरीले घटनाको केही समयपछि सफल अनुसन्धान गरेको थियो। नेपाल पुलिसबाट
