(महेन्द्र सिंह)
बाँके। जिल्ला प्रहरी कार्यालय बाँकेले स्रोत नखुलेको मोटो रकम र लागु औषधसहित दुईजनालाई पक्राउ गरेको छ । बाँके प्रहरी प्रमुख एसपी श्याम कृष्ण अधिकारीलेका लागु औषधको कारोवार भइरहेको सूचनाका आधारमा नेपालगन्ज ११ ठटेरियन टोलबा नेपालगन्ज १५ का ६१ वर्षीय गुन्नु कबडिया र १८ वर्षीय राहुल कबडिया पक्राउ परेका हुन् ।
उनीहरु बसेको घरबाट २ ग्राम १०० मिलिग्राम ब्राउन सुगर र स्रोत नखुलेको ५ लाख १५ हजार पाँच सय रुपैयाँ बरामद भएको हो । दुई थान मोवाइल पनि बरामद भएको छ । उनीहरुमाथि थप अनुसन्धान भइरहेको बाँके प्रहरीले जनाएको छ।
