(राकेश श्रेष्ठ)
चितवन । निकुञ्जको धुधौरा क्षेत्रमा बिहीवार अन्दाजी २५/३० वर्षको भाले गैंडा मृत फेला परेको निकुञ्जले जनाएको छ।
निकुञ्जका सूचना अधिकारी लोकेन्द्र अधिकारीका अनुसार २ वटा भाले गैंडा एकआपसमा जुधेर घटना भएको निकुञ्जको अनुमान छ।
मृत्यु भएको गैंडाको खाग र खुर सुरक्षित रहेको अधिकारीले बताए।
यससँगै चितवन राष्ट्रिय निकुञ्जमा चालू आर्थिक वर्ष २०७८/७९ मा ३ वटा भाले गैंडाको मृत्यु भएको छ।रासस