दाङको घोराहीमा घर भत्किदा ६५ बर्षीय बृद्धा घाईते

 

(ABC-Sanchar) दाङ । घोराही उपमहानगरपालिका
वडा नं. १८ फुर्सेखाली निवासी ६५ बर्षीया श्रीमती बुढा मगर घाईते भएको जिल्ला प्रहरी कार्यालय दाङका प्रहरी प्रबक्ता डिएसपी मुकुन्द रिजालले जानकारी दिए ।

बिहान पौने ११ बजे तिर घर भत्किएर मान्छे पुरिएको जानकारी प्रहरीले पाएपछि त्यहाँ पुगेर बुद्धाको उद्धार गरी अहिले राप्ती स्वास्थ्य विज्ञान प्रतिष्ठानमा उपचार भई रहेको प्रहरीले बताएको छ । उनको अवस्था मध्यम रहेको डिएसपी रिजालले बताए ।