(ABC-Sanchar)
काठमाडौँ । सिन्धुपाल्चोकको ठोकर्पाबाट काठमाण्डौँ आउँदै गरेको युत्रुबाहक बस सुनकोशी गाउँपालिका ३ कालिकास्थित मिलडाँडा नजिकै थापगाउँको घुम्तीमा दुर्घटना भएको छ ।
बा ३ ख ८०३० नम्बरको अरनिको यात्रुबाहक बस बुधबार दिउँसो दुर्घटनाग्रस्त हुँदा तीन जनाको मृत्यु भएको छ भने कम्तीमा २५ यात्रु घाइते भएका छन् ।
घाइतेमध्ये १५ जनालाई धुलिखेल अस्पताल र ९ जनालाई सिन्धु सदावहार अस्पताल खाडिचौरमा उपचारका लागि लगिएको छ ।
बस दुर्घटनामा २ पुरुषलाई बसले किचिएको थियो । उनीहरुको दुवैको मृत्यु भएको जिल्ला प्रहरी कार्यालय सिन्धुपाल्चोकका डिएसपी दक्षकुमार बस्नेतले जानकारी दिए। अर्का एकको भने उपचारका लागि लैजाँदै गर्दा बाटोमा मृत्यु भएको हो ।
बसले किचेको शव स्काभेटरको मद्धतले निकालेको डिएसपी बस्नेतले बताए । । बस सडक भन्दा करिब २५ मिटर तल खसेको हो ।
