काठमाडौं । मुग्लिन नजिकै नाग्दिखोला स्थित पृथ्वी राजमार्ग काठमाण्डौबाट पोखरा जाँदै गरेको कार शुक्रबार राति १२ : ३० बजे दुर्घटना भई त्रिशुली नदीमा कार खस्दा तीनजना बेपत्ता र एक जना घाइतेको उद्धार गरिएको छ ।
ट्राफिक प्रहरी कार्यालय मुग्लिनका असई नरहरि अधिकारीले दिएको जानकारीअनुसार काठमाडौंबाट पोखरा जादै गरेको ना २ च ४९१८ नम्बरको कार अनियन्त्रित भई सडकबाट अन्दाजी १०० मिटर तल त्रिशुलीमा खोलामा खस्दा कारमा सवारी चारजना मध्ये तीनजना बेपत्ता र एकजना खोलाबाट उद्वार गरिएको जनाइएको छ।
दुर्घटनामा उद्धार गरिएको कास्की जिल्ला पोखरा महानगरपालिका वडा नम्बर ७ बस्ने ४९ बर्षिय रुद्रलाल सुवेदीको उपचारको लागि पुरानो मेडिकल कलेज भरतपुरमा लगिएको छ ।
त्यसैगरी सो दुर्घटनामा बेपत्ता भएकाहरूमा कास्की, पोखरा महानगरपालिका वडा नं ७ का अन्दाजी ५५/६० वर्षिय प्रेम भुजेल, ५५/६० वर्षीय लेखबहादुर भुजेल र ३६ वर्षिया ईश्वी भुजेल रहेको ट्राफिक प्रहरीले जनाएको छ।
