ABC (क्राईमबिट)
बाँके । कोभिड बढेपछि बाँकेमा सक्रिय बन्यो डिसीसीएमसी, यस्ता छन् निर्णय
नेपालगञ्ज । कोभिड फेरि बढ्न थालेपछि जिल्ला कोभिड संकट व्यवस्थापन केन्द्र बाँके (डिसीसीएमसी) ले पूर्व तयारी स्वरुप सक्रियता बढाएको छ । डिसीसीएमसीले नेपालगञ्ज उपमहानगरपालिकाको बाल मन्दिरमा संचालित आइसोलेसनलाई संस्थागत आइसोलेसनका रुपमा संचालनमा ल्याउन नेपालगञ्ज उपमहानगरपालिकालाई अनुरोध ग र्ने निर्णयगरेको छ ।
जमुनाहा नाकाबाट नेपाल प्रवेश गर्ने यात्रुहरुको एन्टिजेन परीक्षण गर्दा कोभिड संक्रमितहरु धेरै संख्यामा देखिन थालेपछि उनीहरुको व्यवस्थापनका लागि बाल मन्दिरको आइसोलेसनलाई संस्थागतरुपमा संचालनमा ल्याउन नेपालगन्ज उपमहानगरपालिकालाई अनुरोध गर्ने निर्णय गरेको स्वास्थ्य कार्यालय बाँकेका खोप फोकल पर्सन नरेश श्रेष्ठले जानकारी दिए ।
यस्तै जमुनाह नाकामा एन्टिजेन परीक्षणका क्रममा कोभिड संक्रमण देखिएकालाई आइसोलेसन सेन्टरसम्म ल्याउनका लागि जमुनाहा नाकामा रहने गरी एम्बुलेन्स व्यवस्थापनको जिम्मेवारी लिन आइएनएफ नेपालको साइनिङ अस्पताल र भेरी अस्पताललाई अनुरोध गर्ने निर्णय गरेको छ । दुवै एम्वुलेन्स चालकको प्रोत्साहन भत्ता आइएनएफले व्यहोर्ने निर्णय भएको छ । 
यस्तै दिन प्रति दिन संक्रमण बढ्दै गएकाले शिघ्र समन्वय र व्यवस्थापनको जिम्मा जिल्ला प्रशासन कार्यालयका प्रशासकीय अधिकृत रामकुमार सोनकार, स्वास्थ्य कार्यालयका खोप फोकल पर्सन श्रेष्ठ, जिल्ला आपतकालीन कार्य संचालन केन्द्रका सूचना अधिकारी रुपन ज्ञवाली र केन्द्रका फोकल पर्सन तेज वलीलाई दिने निर्णय बैठकले गरेको श्रेष्ठले बताए ।
