ABC (क्राईमबिट) कैलाली । सुदुरपश्चिमकाे प्रहरी चौकी कालाकुण्डामा कार्यरत एक जना प्रहरी जवानले आफैलाई गोली हानेर आत्महत्याकोे प्रयास गरेका छन् । डिउटीमा रहेका प्रहरी जवान झंकर बोहराले शनिवार राती करिब १ बजेतिर आफैले बोकेको एसएलआर चलाउदा घाइते भएको जिल्ला प्रहरी कार्यालय कैलालीका डिएसपी बेदप्रकाश जोशीले बताए । उनको चिउडोमा गोली लागेको छ । उनलाई थप उपचारका लागि काठमाडौं ल्याइएको छ । ‘उनको अवस्था खतरामुक्त छ । किन आत्महत्याको प्रयास गरे त्यसबारेमा हामी बुझ्ने छौं,’ डिएसपी जोशीले भने, ‘ घरायसी हो कि विभागिय तनाव हो त्यसबारे अनुसन्धान गछौं ।’