(महेन्द्र सिंह)
बाँके । खजुरा गाउँपालिका १ राधापुरबाट प्रहरीले हतियारसहित लागु औषध कारोबारीलाई पक्राउ गरेको छ ।
बाँकेका प्रहरी प्रमुख एसपी श्यामकृष्ण अधिकारीले करिब ९० ग्राम ब्राउन सुगरसहित स्थानीय २५ वर्षका रबिन्द्र थापा, २७ वर्षका मनिष थापा र २८ वर्षको सुरेश मगरलाई पक्राउ गरिएको हो ।
भर्खरै मात्र सरुवा भएर आउनु भएका राधापुर प्रहरी चौकीको कमान्ड सम्हालेको चौकीका इन्चार्ज प्रहरी नायब निरीक्षक रबिन्द्र बहादुर बमको टोलीले ठुलो सफलता हात पारेको छ । थापाको पुरानो घरमा बसेर उनिहरुले लागु औषध ब्राउन सुगर सेवन तथा कारोबार गरिरहेको भन्ने सूचना प्रहरीले पाएको थियो । त्यहीँ अनुसार घटनास्थल पुगेको प्रहरीले उनिहरुलाई पक्राउ गरेको हो । उक्त ब्राउन सुगर थापाको साथबाट बरामद भएको हो ।