(ABC-SANCHAR)
काठमाडौं । बैंकले भोलि बुधबारदेखि १ रुपैयाँका नयाँ सिक्का बजारमा ल्याउन लागेको जनाएको हाे।
यस्ताे छ सूचना
यस बैंकले साविककै आकार तथा सुनौलो रङ्गमा टकमरी गरिएको साल २०७७ लेखिएको निम्न विशेषताहरु रहेको रुपैयाँ १ दरको सिक्का मिति २०७८।११।२५ देखि चलनचल्तीमा ल्याउने हुँदा सम्बन्धित सबैको जानकारीको लागि यो सूचना प्रकाशित गरिएको छ ।
(क) सिक्काको अग्र भागमाः–
-सिक्काको वृत्ताकार घेराभित्र चौसठ्ठी वटा थोप्लाहरु रहेको ।
-चौसठ्ठी थोप्लाहरूको वृत्ताकार घेराभित्र हिमाल, पहाड र तराईको पृष्ठभूमिमा सात प्रदेशसहितको नेपालको नक्सा रहेको ।
-सिक्काको माथिल्लो भागमा अंग्रेजीमा Re one र तल्लो भागमा देवनागरी
लिपिमा १ रुपैयाँ लेखिएको ।
-नेपालको नक्शाको दायाँतर्फ फरक क्षमता भएका (दृष्टिविहीन)हरुले स्पर्श
गरेर सिक्काको दर पहिचान गर्नका लागि एउटा मोटो थोप्लो रहेको ।
(ख) सिक्काको पृष्ठ भागमा:–
-सिक्काको वृत्ताकार घेराभित्र चौसठ्ठी वटा थोप्लाहरु रहेको ।
-आठ थोप्लासहितको वृत्ताकार चित्र भित्रको वर्गाकार आकृतिलाई वरिपरी
चन्द्र, सूर्य, चक्र, संख, पद्म, गदा तथा बिचमा सगरमाथाको आकृति र सो
आकृतिको मुनी अंग्रेजीमा SAGARMATHA NEPAL लेखिएको ।
सिक्काको माथिल्लो भागमा देवनागरी लिपिमा नेपाल र तल्लो भागमा २०७७ लेखिएकाे । रासस
