(ABC-Sanchar)
काठमाडौं । टर्किस एयरलाइन्स कम्पनीको सनएक्सप्रेसकी एक कर्मचारीले आफ्नो खानामा सर्पको टाउको भेटेकी छिन् । सर्पको टाउको पनि त्यतिबेला भेटियो जब उनले आफ्नो धेरैजसो खाना खाइसकेकी थिइन् ।
गत हप्ता टर्कीबाट जर्मनी जाँदै गरेको विमानमा खानामा सर्पको टाउको भेटिएको हो । जुलाई २१ तारिखमा विमानका कर्मचारी टर्कीको राजधानी अंकाराबाट जर्मनीको डसेलडोर्फ जानका लागि बिहानैदेखि आफ्नो कार्यक्षेत्रमा खटिएका थिए ।

उडिरहेकै बेला चालक दलका सदस्य ब्रेकफास्ट गर्न बसे । यसमा ड्रिङ्क, सलाद, ब्रेड रोल र हरियो सागको तातो झोल समावेश थियो ।

विमान परिचारिकाले आफ्नो खानामा सर्पको काटिएको टाउको भेट्टाउँदा उनले आफ्नो आधा खाना खाइसकेकी थिइन् ।

सलाद र सागको बीचमा सर्पको टाउको थियो । उक्त सर्पको टाउको ठूलो अंगुरको आकारको थियो ।

सन एक्सप्रेसले क्याटरिङ कम्पनीसँग सम्झौता रद्द गरेको जानकारी दिएको छ । एयरलाइन्सका प्रवक्ताले भनेका छन्, ‘हाम्रो ग्राहकलाई विमानभित्र प्रदान गरिने सेवा उच्च गुणस्तरको होस् भन्ने हाम्रो चाहना हो । यसका साथै हाम्रा ग्राहक र कर्मचारी दुबैले सहज र सुरक्षित उडानको अनुभव गराउने हाम्रो उच्च प्राथमिकतामा पर्छ ।’

विमानभित्र प्रदान गरिने खानाबारे जे जति समाचार प्रकाशित भइरहेका छन्, त्यो पूर्ण रुपमा अस्वीकार्य छ र यसबारे विस्तृत अनुसन्धान थालिएको छ ।’

‘अनुसन्धान प्रक्रिया टुङ्गो नलागेसम्म सम्बन्धित उत्पादनको आपूर्ति रोक्नेलगायतका सबै उपायहरु तुरुन्त अवलम्बन गरिएको छ ।’

यता क्याटरिङ कम्पनीले उक्त घटनामा आफूहरुको कुनै पनि दोष नभएको र खाना फ्याक्ट्रीबाट बाहिरिएपछि यसमा सर्पको टाउको राखिएको हुनसक्ने आशंका व्यक्त गरेको छ । एजेन्सी

सम्बन्धित

मलेसिया सरकारले आप्रवासी श्रमिकहरु माथिकाे प्रतिबन्ध खुल्यो

पाकिस्तानमा भारी वर्षाका कारण १९६ जनाको मृत्यु खोजीकार्य जारी

इजिप्ट शहरको एक चर्चमा आगजनी हुँदा कम्तिमा ४१ जनाको मृत्यु

पानी पिएको आरोपमा शिक्षकले कुटेका दलित ९ वर्षीय बालकको मृत्यु

मेक्सिकोको सीमावर्ती सहरमा हिंसा हुँदा कम्तीमा ८ जनाको मृत्यु

इरानमा आएको बाढीमा २४ जनाको मृत्यु, १९ बेपत्ता खोजी कार्य जारी