(ABC-Sanchar)
धनगढी । कैलालीको धनगढीमा मोटरसाइकल दुर्घटना हुँदा एक जना युवकको मृत्यु भएको छ ।
धनगढी उपमहानगरपालिका ३ चटकपुर स्थित अस्थायी प्रहरी पोष्ट नजिकै मोहना पुल अत्तरिया सडकखण्डमा से २ प ५२८२ नम्बरको मोटरसाइकल दुर्घटना हुँदा एक जनाको मृत्यु र चालक घाइते भएको प्रहरीले जनाएको छ ।
सुदूरपश्चिम प्रदेश ट्राफिक कार्यालय अत्तरियाका अनुसार मोटरसाइकलमा सवार डोटीको जोरायल गाउँपालिका-१ का २८ वर्षीय चित्र मडैको मृत्यु भएको हो ।
गम्भीर घाइते भएका मडैलाई उपचारका लागि तत्काल माया मेट्रो अस्पताल पुगाइएको भए पनि अस्पतालले मृत घोषणा गरेको प्रहरीको भनाइ छ ।
