(केभी निस्चयल)
दाङ । लायन्स क्लब अफ दाङ बबई छहराको आयोजनमा तुलसीपुर सुर्खेत सडक खण्ड अन्तरगत हापुरेको माथिल्लो बजार सहिदगेट देखि सेन्टर बजार,ट्याक्सी पार्क हुँदै हंसपुर जाने बाटो प्रतिक्षालय सम्म विभिन्न ५ ठाउँमा जेब्राक्रसिङ निर्माण गरिएको लायन्स क्लब अफ दाङ बबई छहराका अध्यक्ष प्रेम बहादुर वलीले जानकारी दिए ।
चाडपर्वको समयमा बजार क्षेत्रमा भिडभाड बढि हुदा हुने सम्भावित दुर्घटना न्युनिकरण गर्न, स्कुले विद्यार्थीलाई सहज रुपमा बाटो काट्ने वातावरण निर्माण गर्न र स्थानियहरुलाई समेत जेब्राक्रसिङबाट बाटो काट्ने बानिको बिकास गराउन जेब्राक्रसिङ निर्माण गरिएको हो ।
तुलसीपुर ९ पुलचोकमा रहेको पौडेल हार्डवयरको सामाग्री सहयोग तथा लायन्स क्लब अफ दाङ बबई छहराका युवाहरुको सकृयतामा भएको जेब्राक्रसिङ निर्माण कार्यक्रममा अस्थायी ट्राफिक पोस्ट हापुर ट्राफिक इन्चार्ज प्रहरी हवलदार कुल चन्द्र न्युपाने ईलाका प्रहरी कार्यालय हापुरेका प्रहरी प्रमुखसंगै प्रहरीहरुको समेत सहभागीता रहेको थियो ।
