१६ चैत्र २०८०, शुक्रबार
29-03-2024 , Fri
×

रेल स्टेशनमा छुरा प्रहार, ६ जना घाइते

Logo
प्रकाशित बिहिबार, पुष २८, २०७९

पेरिसको व्यस्त गारे डु नोर्ड रेल स्टेशनमा बुधबार एक आक्रमणकारीले ६ जनालाई छुरा प्रहार गरी घाइते बनाएको अधिकारीहरूले बताएका छन्।

गारे डु नोर्ड रेल यात्रुका लागि एक व्यस्त स्थान हो, जसलाई उत्तरी फ्रान्स, लन्डन र उत्तरी युरोपमा रेलहरूको लागि प्रस्थान बिन्दुको रूपमा लिइन्छ।

प्रहरीले छुरा प्रहारलाई आतंकवादी हमलाको रूपमा नभई सामान्य आक्रमण प्रयासको रूपमा लिइरहेको घटनासँग सम्बन्धित एक स्रोतले जनाएको छ। आक्रमणकारीको उद्देश्य तत्काल स्पष्ट हुन सकेको छैन।

स्थानीय समयअनुसार बिहान ६:४२ बजे भएको आक्रमणमा परी ६ जनामध्ये एक जना गम्भीर घाइते भएका छन् भने अन्य ५ जनालाई हल्का चोट लागेको अभियोजनकर्ताले बताएका छन्।

गृहमन्त्री गेराल्ड डार्मानिनले घटनास्थलमा पत्रकारहरूसँग कुरा गर्दै घटना दुई मिनेटभित्रै सकिएको बताएका छन्।

आक्रमणकारीले कस्तो प्रकारको हतियार प्रयोग गरेको भन्नेबारे तत्काल स्पष्ट हुन सकेको छैन। प्रहरीले सुरुमा यसलाई धारिलो हतियारद्वारा आक्रमण भएको जानकारी दिएको थियो।

डार्मानिनले यो चक्कु नभई ‘धम्क्याउनका लागि प्रयोग गरिने नक्कली हतियार’ भएको बताएका छन्। तर, फ्रान्सेली ‘ले पेरिसियन’ पत्रिकाका अनुसार आक्रमणमा एक प्रकारको ‘तिखो र धारिलो हतियार’ नै प्रयोग भएको थियो।

प्रहरीले तीन राउण्ड गोली चलाउँदा आक्रमणकारीको छातीमा चोट लागेको थियो। मन्त्री डार्मानिनका अनुसार प्रहरीको प्रतिरोधमा गम्भीर घाइते भएका आक्रमणकारीलाई अस्पताल लगिएको र त्यहाँ उनको उपचार भइरहेको छ।

हस्तक्षेप गर्ने प्रहरीहरू आफ्नो सेवा सकेर घर फर्किँदै गरेका सादा पोसाकमा रहेका अधिकारीहरू थिए जसले आक्रमण रोक्नका लागि आफूलाई सँगै राख्न अनुमति दिइएको हतियार प्रयोग गरेका थिए।

डार्मानिनले भने, ‘प्रहरी अधिकारीहरू प्रहरी मुख्यालयमा काम सकी रेल चढेर घर जान फर्किरहेका थिए, तर उनीहरू सशस्त्र थिए।’

ड्युटीमा नभए पनि उनीहरूलाई हतियार प्रयोग गर्ने अधिकार दिइएको उनले बताए। स्टेशनमा तैनाथ सीमा प्रहरीका एक सदस्य सामान्य घाइते भएका प्रहरीले बताएको छ।

कमेन्ट गर्नुहोस्
सम्बन्धित

ब्राजिलका पूर्वफुटबलर फर्वाड रोविन्हो पक्राउ परेका छन् । इटालियन फुटबल क्लब एसी मिलानबाट खेलिरहँदा रोबिन्होमाथि सन् २०१३ मा अल्बानियाकी एक महिलामाथि बलात्कार गरेको आरोप लागेको थियो । दुई वर्षअघि त्यहाँको अदालतले उक्त घटनामा रोबिन्होलाई दोषी ठहर गर्दै ९ वर्षको जेल सजाय सुनाएको थियो । त्यसयता उनी घरमै नजरबन्दमा थिए । इटालियन सरकारलाई सुपुर्दगी गर्न नसकेपछि […]

श्रीलङ्काको जलसेनाले अवैध रूपमा आफ्नो क्षेत्रमा माछा मारिरहेका २१ भारतीयलाई पक्राउ गरेको छ ।             उत्तरी श्रीलङ्काको डेल्फ्ट टापु नजिकै माछा मारिरहेका भारतीय डुङ्गालाई पिछा गर्दै जाँदा शनिवार राति उनीहरूलाई पक्राउ गरिएको सेनाले जनाएको छ ।

(एबिसि संचार ) दुई बालबालिकालाई झ्यालबाट बाहिर फालेर हत्या गर्ने दम्पतीलाई चीनमा मृत्युदण्ड दिइएको छ । बालबालिकाका बुबा झाङ बो र यी चेङचेनलाई सन् २०२० मा दुई वर्षीया बालिका र एक वर्षीय बालकको हत्या गरेको अभियोगमा दोषी ठहर गर्दै मृत्युदण्ड दिएको जनाइएको छ । समाचारमा जनाइएअनुसार झाङको यीसँग अफेयर थियो र पछि आफ्नी श्रीमतीसँग सम्बन्धविच्छेद […]