ABC (क्राईमबिट) काठमाडौं । रुपन्देहीको देवदहमा किसोरीलाई बलात्कार गरेको आरोपमा एक शिक्षक पक्राउ परेका छन् ।
१६ वर्षीया किशोरीलाई बलात्कार गरेको आरोपमा देवदह नगरपालिका–७ सितलनगरका ३६ वर्षीय मोहन गुरुङलाई प्रहरीले पक्राउ गरेको हो । किशोरीलाई सिकाइदिने बहानामा बोलाएका शिक्षकले होटलमा लगेर जबर्जस्ती करणी गरेको किशोरीले उजुरीमा बताएकी छन् ।
शिक्षक गुरुङले माघ २० गते देवदहको ढेकारस्थित होटलमा लगेर किशोरीलाई बलात्कार गरेको उजुरी परेको इलाका प्रहरी कार्यालय बुटवलका डीएसपी दानबहादुर थापाले जानकारी दिए । उनका अनसार किशोरीको उजुरीपछि शिक्षक फरार थिए । उनलाई बुधबार दिउँसो पक्राउ गरिएको हो ।
