(ABC-Sanchar)
बारा । लोक मार्गअन्तर्गतको जितपुर सिमरा उपमहानगरपालिका वडा नम्बर २१ अमलेखगञ्जमा बुधवार ना १ ज ३८४७ नम्बरको सुमो ब्रेक फेल भई दुर्घटना हो ।
दुर्घटना हुँदा सोमा सवार आठ जना यात्रु घाइते भएका छन् । उनीहरूमध्ये एक जना सिन्धुली दुधौली बस्ने ७ वर्षका बालक किसान पोखरेलको अवस्था गम्भीर रहेको छ ।
उनको परवानीपुरस्थित एल एस न्युरोमा उपचार भइरहेको र अन्यको भने स्थानीय मेडिकलमा उपचार भइरहेको जिल्ला प्रहरी कार्यालय बाराका प्रहरी प्रवक्ता एवम् प्रहरी नायव उपरीक्षक (डिएसपी) दधिराम न्यौपानेले बताए ।
सुमो र चालक निजगढ नगरपालिका – ९ बस्ने दिलबहादुर मगरलाई प्रहरीले नियन्त्रणमा लिएको डिएसपी न्यौपानेले बताए ।
