(एबिसि संचार ) उदयपुरको बेलका नगरपालिका–७ मेनामैनीमा बोलेर दुर्घटना हुँदा मृत्यु भएका आठजनाको नाम र ठेगाना प्रहरीले सार्वजनिक गरेको छ । दुर्घटनामा परी अरु नौजना घाइते भएका थिए । सुनसरीको धरानबाट भोजपुरको घोडेटारतर्फ जाँदै गरेको को १ ज २५९३ नम्बरको बोलेरो बिहान करिब ११ बजेको समयमा मैनामैनीमा सडकबाट अन्दाजी चारसय मिटर तल खसेको थियो ।सडकबाट खसेको बोलेरोमा सवार रहेका चालक हतुवागढी गाउँपालिका–२ का ४२ वर्षीय मानबहादुर बस्नेत, बोलेरोमा सवार हतुवागढी गाउँपालिका–२ की ७० वर्षीया पर्वतमाया राई, २३ वर्षीय चन्द्रप्रकाश राई, चन्द्रप्रकाश राईका ६ महिनाको छोरा डिसाङ राई, हतुवागढी गाउँपालिका–९ का ६८ वर्षीय पदमबहादुर थापा, हतुवागढी गाउँपालिका–५ की ३० वर्षीया रामकुमारी राई र सुनसरी इटहरीका ४५ वर्षीय कमल अधिकारीको घटनास्थलमै मृत्यु भएको हो ।