धरान । मेयर हर्कराज राईका समर्थक हौँ भन्दै केही महिलाहरुले आज धरानमा पत्रकार संजिता धमलामाथी आक्रमण गरेका छन् । यो सांघातिक आक्रमणको जति निन्दा गरे पनि कम हुन्छ ।
स्वतन्तको नाममा महिला दिदीबहिनीहरुले अस्पतालमा उपचार गर्न गएको बिरामी माथी आक्रमण गरेको र आक्रमणको पक्षपोषण गर्दै मेयर राईले जुन अभिव्यक्ति दिइरहेका छन् त्यो अत्यन्तै निन्दनिय छ । उपचारको क्रममा अस्पतालभित्रै भएको आक्रमणमा सहभागिहरुलाई कानुनी कार्बाहीका लागि स्थानिय सरकारको प्रमुख भएको हिसावले पनि मेयर राईले सहयोग गर्नुपर्छ । यदी मेयर राईलेनै दोसीमाथि कार्बाहीका लागि अग्रसर नहुनेहोभने धरानमा अशान्तताले प्रश्रय पाउने निश्चित छ ।
