बुटवलमा साँढेले हान्दा ४५ वर्षीया गुल्मीको सीता पाण्डेको मृत्यु

 

बुटवल । गुल्मी घर भएकी सीता बुटवल उपमहानगरपालिका–३ गोलपार्कमा भाडामा बसेर पुल्चोक नजिक खाजा पसल चलाउँथिन् ।

इलाका प्रहरी कार्यालय बुटवलका प्रमुख डीएसपी विजयराज पण्डितका अनुसार साउन २० गते डेरी पसलमा दूध लिन जाने क्रममा सीता सडकमा जुधिरहेका छाडा साँढेको आक्रमणमा परेकी हुन् । उनलाई घाइते अवस्थामा लुम्बिनी प्रादेशिक अस्पतालमा उपचारका लागि भर्ना गरिएको थियो । उपचारकै क्रममा उनको ज्यान गएको हो ।