दाङको लमही घोराही सडक खण्डको सिस्ने खोलामा बस दुर्घटना हुँदा २० जना घाइते

 

दाङ । बुटवलबाट तुलसीपुर जाँदै गरेको बस लमही घोराही सडक खण्डको दाङको सिस्ने खोलामा लु १ ख ८४१२ नम्बरको बस दुर्घटना हुँदा बसमा सवार २० जना घाइते भएको र उनीहरूको राप्ती स्वास्थ्य विज्ञान प्रतिष्ठानमा उपचार भइरहेको जिल्ला ट्राफिक कार्यालयका वरिष्ठ सई ईश्वरी देवकोटाले जानकारी दिएका छन् ।

बसको स्ट्रिङ फेल हुँदा दुर्घटना भएको चालकले प्रहरीलाई बताएका छन् । बससहित चालकलाई प्रहरीले नियन्त्रणमा लिएको छ । घटनाको थप अनुसन्धान भइरहेको छ ।