दाङ । भालुवाङ पूर्वी दाङको देउखुरी अन्तरगत राप्ती गाउँपालिका-१ भालुवाङ निवासी नाबालिका बलात्कारको शिकार भएकी छिन् । गएको बिहीबार बेलुका अधिकांश मानिसहरु दशैँ पर्वको रौनकमा मस्त झुमिरहेको मौकामा यस्तो नरकीय क्रियाकलाप भएको बताइन्छ । अरुलाई दशैँ लागिरहेको अवस्थामा ती नाबालिकामाथि कुनै एक राक्षसले आफ्नो विशालु नंग्रा मात्रै गाडेन, उसको यौनप्यासको साधन बनाएछ ।
घटना गत असोज २४ गते बिहीबार बेलुकातिर घटेको थियो । जानकार श्रोतले बताए अनुसार उक्त घटना सशस्त्र प्रहरीको गण नजिक दशैँ पर्वका लागि बनाइएको लिंगेपिङ खेल्न गएको अवस्थामा राप्ती गाउँपालिका-१,भालुवाङ पुल्चोकमा डेरा गरि बस्ने वर्ष ८ कि नाबालिका बलात्कारको शिकार भएको जानकार श्रोत बताउँछ।
सोही घटना घटेको केही समयपछि ती बालिका डेरामा फर्केर आफ्नी आमाशीत आफ्नो पिसाब गर्ने अंगमा साह्रै दुखेको छ भन्दै जानकारी गराइन् । अनि आमाले छोरीको योनाङ्ग हेर्दा असाध्यै रगत बगिरहेको र घाउ समेत देखेपछि आमाले प्रहरीलाई खवर गरेकी थिईन् ।
भालुवाङमा रहेको प्रस्तावित अस्पतालमा सामान्य स्वास्थ्यस्थिति परिक्षण एवं उपचारपश्चात् ती नाबालिकाको इलाका प्रहरी कार्यालय भालुवाङ्ले घोराही स्थित राप्ती स्वास्थ्य विज्ञान प्रतिष्ठानमा स्वास्थ्य परिक्षण भएको थियो । परिक्षण प्रतिवेदनमा नाबालिका बलात्कृत भएको पुष्टि भएको जिल्ला प्रहरी कार्यालय दाङका एसपी अर्जुन प्रसाद तिमिल्सिनाले जानकारी दिएका छन ।
उपरोक्त विषयमा प्रहरीसँग सोधपुछ गर्दा प्रहरीले दोषी पत्ता लागि नसकेको र घटनाबारे अनुसन्धान भइरहेको र छिट्टै दोषी पक्राउ गरि सार्वजनिक गर्ने बताएको छ । तर घटना घटेको झण्डै एकहप्ता समय बितिसक्दा पनि बलात्कारको दोषी समात्न नसकेकोमा निर्मला पन्त घटना जस्तै प्रहरीले अपराधी लुकाउन खोजेको आशंकामा स्थानीयबासीहरु आक्रोशित बनेका छन् ।
