दाङ । डिजिटल मिडिया व्यापक विस्तार भएकाे छ । तर, समाजले निरन्तर डिजिटल मिडियाकाे विश्वसनीयतामाथि प्रश्न उठाइरहेकाे छ ।
डिजिटल मिडियाको तीव्र विकासले आम नागरिकले क्षणभरमै संसारका खबरहरू सहजै पाउन सकेका छन् । सहज तरिकाले आफ्ना कुराहरू अभिव्यक्त गर्न पाएका छन् । तर, समाजको एक तप्का एकाध मिडिया र मिडियाकर्मीका कमजोरीहरूलाई उचालेर समग्र मिडिया जगतकै विरुद्धमा प्रहार गर्न उद्देलित भएकाे छ ।
मिडिया क्षेत्रमा परेकाे संकटले तत्कालका लागि सञ्चारकर्मीहरूलाई अफ्ठेराे परेकाे देखिए पनि यसकाे दूरगामी असर निकै घातक हुन्छ । मिडिया क्षेत्र कमजोर हुनु भनेकाे लाेकतन्त्र, मानवअधिकार, अभिव्यक्ति स्वतन्त्रता र समग्रमा नागरिककाे सुसुचित हुन पाउने अधिकार कुण्ठित हुनु हो ।
मिडिया क्षेत्रको प्रवर्द्धनका लागि राज्य, सञ्चारकर्मीहरू, नागरिक समाज र समग्र समाजले हातेमालो गर्दै अगाडि बढ्नुको विकल्प छैन ।
