नेपाल-भारत सीमा क्षेत्रमा जङ्गली हात्तीहरु नेपालतर्फ प्रवेश गर्ने निरन्तर प्रयास,भगाउने तयारी
झापा । हात्तीको प्रवेश रोक्न सशस्त्र प्रहरी बल, नेपाल बीओपी बाहुनडाँगी, नेपाल प्रहरी, डिभिजन वन कार्यालयका वन रक्षक, र्यापिड रेस्पोन्स टिम (RRT), अन्य संघसंस्था तथा स्थानीय किसानहरू सक्रिय रूपमा परिचालित भएका छन्।
हात्तीलाई नेपालतर्फ प्रवेश गर्न नदिन सुरक्षाकर्मी, वन कर्मचारी तथा स्थानीयवासीले विभिन्न उपकरण र सवारीसाधनको प्रयोग गरी निगरानी तथा रोकथामको कार्य गरिरहेका छन्। यस क्रममा १० भन्दा बढी साना माइकसहितका साइरन, सशस्त्र प्रहरी बलका दुईवटा ठूला साइरन, वन कार्यालय र सशस्त्र प्रहरी बलका एक-एकवटा साइरन जडित सवारीसाधन, नेपाल प्रहरीको एउटा ठूलो साइरन, ९० भन्दा बढी ठूला लाइट, तीनवटा ट्र्याक्टर तथा १० भन्दा बढी मोटरसाइकल परिचालन गरिएको छ।
