मकवानपुरमा यात्रुवाहक माइक्रोबस भिरमा खस्दा चालकसहित १० जनाको मृत्यु, ५ जना घाइते,

 

मकवानपुर । भीमफेदी गाउँपालिका–६ चिसापानी गढीस्थित भीमफेदी कुलेखानी काठमाडौं सडकखण्डमा यात्रुवाहक माइक्रोबस करिब ५०० मिटर तल भिरमा खस्दा चालकसहित १० जनाको मृत्यु भएको छ भने ५ जना घाइते भएका छन्।

आज बिहान ५:४५ बजे काठमाडौंबाट सर्लाही जाँदै गरेको म.प्र.०३-००१ ज ०८८० नम्बरको यात्रुवाहक माईक्रोबस दुर्घटनामा परेको हो।

दुर्घटनामा चालकसहित १० जनाको मृत्यु भएको र ५ जना घाइतेको उद्धार गरिएको छ। घाइते तथा मृतकको विस्तृत विवरण आउन बाँकी रहेको छ।