काठमाडौं । नेपाल प्रहरी उपरीक्षक (एसपी)बाट वरिष्ठ उपरीक्षक (एसएसपी)मा बढुवा भएपछि बारा, सिन्धुपाल्चोक, इलाम र नुवाकोटका इञ्चार्ज पद खाली भएका छन्। बाराका महेन्द्र खड्का, सिन्धुपाल्चोकका सन्तोष खड्का, इलामका प्रभु ढकाल र नुवाकोटका शान्तिराज कोइरालाले बुधबार एसएसपीमा दर्ज्यानी चिह्न लगाएका हुन्।
यी जिल्ला कमाइका हिसाबले महत्त्वपूर्ण मानिन्छन्। नुवाकोट र सिन्धुपाल्चोकमा क्रसर उद्योग र तस्करी सक्रिय छन्। रसुवा नाकाबाट भित्रिने सामग्री नुवाकोट हुँदै काठमाडौं पुग्छ। सिन्धुपाल्चोकको तातोपानी नाका बन्द भए पनि चोरबाटोबाट तस्करी जारी छ।
बारा खुला सिमानाका कारण लागुऔषध तस्करीको केन्द्र मानिन्छ। इलाममा पशुपतिनगर भन्सारमार्फत चोरी निकासी हुने गरेको छ।
बुधबार मात्रै एसएसपीको दर्ज्यानी चिह्न लगाएका एसएसपीहरू एसपी हुँदा महत्त्वपूर्ण स्थानमा कार्यरत थिए। एसपी थापा अन्वेषण योजना तथा विकास निर्देशनालयमा, केसी गृह मन्त्रालयको इन्टेलिजेन्स शाखामा, जबरा सशस्त्र प्रहरी गण १ नम्बरमा, बोगटी सीआईबीमा, पंगेनी सम्पत्ति शुद्धीकरण विभागमा, र राठोर काठमाडौं उपत्यका विशेष सुरक्षा प्रहरी गणमा र अघिकारी परिसरमा कार्यरत थिए। यी स्थान खाली भएकाले त्यहॅा जान पनि थुप्रै एसपीहरू लागिपरेका छन्।
एसएसपीको पदस्थापन हुन बाँकी छ। प्रहरी प्रधान कार्यालयले एसपीहरूको सरुवा र एसएसपीको जिम्मेवारीसंगै तोक्ने तयारी गरिरहेको छ।
अन्य १५ जिल्लाका एसपीहरूको कार्यकाल फागुनमा एक वर्ष पूरा हुने भएकाले त्यहाँ सरुवाको तयारी भइरहेको छ समेत प्रहरी प्रवक्त्ता दिनेशराज आचार्यले जानकारी दिनुभयो ।
