काठमाडौं । निरीक्षण तथा निर्देशन सम्बोधनका क्रममा थानकोट तथा बलम्बु क्षेत्र उपत्यका बाहिरबाट राजधानी प्रवेश गर्ने मुख्य नाका भएको साथै यसै नाकाको प्रयोग गरी लागूऔषध, विष्फोटक पदार्थ, भन्सार तथा राजस्व छलीका मालसामानहरू निकासी-पैठारी लगायत अन्य अपराधिक गतिविधिहरूमा संलग्न ब्यक्तिहरू प्रवेश र काठमाडौँ उपत्यकाबाट बाहिर जान सक्ने समेत भएकोले विशेष सतर्कताका साथ प्रहरी काम कारवाही गर्न साथै सवारी आवागमनलाई व्यवस्थित गर्न निर्देशन दिनुभएको छ ।
राज्यको Visible प्रतिनिधिका रूपमा समुदायस्तरमा रहेका नेपाल प्रहरीका सदस्यहरूको प्रभावकारी उपस्थिति र कार्यसम्पादनले समाजमा सुरक्षाको प्रत्याभुति (Sense of Security) झल्किने भएकोले व्यावसायिक र कर्तव्यनिष्ठ भई Proactive Policing तर्फ उन्मुख भई प्रहरी काम-कारवाही गर्नको लागि निर्देशन दिनुभयो ।
प्रहरी कार्यालयहरु जनताकै सहजिकरणको लागि स्थापना भएकोले जनतासँग प्रस्तुत हुँदा सहजकर्ताको रुपमा प्रस्तुत हुनुपर्ने, प्रहरीले गर्ने हरेक कामकारवाही जनताको सर्वोपरी हितलाई आत्मसात गरि गरिनुपर्ने साथै प्रहरीसँग सम्पर्क तथा सम्वाद हुदाँ नम्रताका साथ प्रस्तुत हुने, प्रहरीको व्यवहारमा सदाशयता झल्कनु पर्ने तर आपराधिक प्रवृत्तिका मानिसहरूलाई कानूनको दायरामा ल्याई जनतालाई सुरक्षाको आभास दिलाउन समेत निर्देशन दिनुभयो ।
प्रहरीले कानून बमोजिम प्राप्त अधिकारहरूलाई कर्तव्य पालनाको दृष्टिकोणले मात्र प्रयोग गर्नुपर्ने तथा प्रहरी पोशाक र दर्जाको दुरूपयोग कदापी क्षम्य नहुने भएकोले प्रहरी कमाण्डरहरू आफु र आफु मातहतका गतिविधिहरूलाई सदैव सांगठनिक मर्यादा र व्यावसायिक निष्ठाका साथ कार्यसम्पादन गर्नुपर्ने बताउनु भयो ।
प्रहरी कर्मचारीहरुलाई सँगठनको छवि उच्च हुने गरी काम कार्वाही गर्नहुन; गलत गरेमा कारवाही हुने भन्दा पनि उत्कृष्ट कार्य गरेमा पुरस्कृत हुनेछु भन्ने सकरात्मक सोच राखी उच्च मनोवलका साथ काम गर्नहुन समेत निर्देशन दिनु भयो ।
