भारतको रुपैडियामा ६ करोडकोे चरेशसहित चार महिला पक्राउ

प्रकशित मिति : २९ मंसिर २०७६, आईतवार ०९:५७

महेन्द्र सिंह
बाँके मंसिर २९ नेपालगञ्ज सीमावर्ती भारतीय बजार रुपईडिहामा ६ करोड बढि मूल्यको चरेस सहित ४ जना महिला पक्राउ परेकाछन् । नेपालगन्जबाट भारततर्फ लैजाँदै गरेको २० किलो ७ सय ९० ग्राम चरेशसहित उनीहरु पक्राउ परेको सीमावर्ती भारतीय एसएसबी आदर्श थाना रुपैडिहाले बताएकोछ ।
उसका अनुसार अर्घाखाँची सितगंगा नगरपालिका वडा नं. ९ की मान कुमारी घर्तीमगर, दाङको राप्ती गाउँपालिका वडा नं. ३ बस्ने उर्मीला बुढामगर, लालमटिया ८ बस्ने सीता घर्तीमगर र दाङ हसुलिया वडा नंं. ९ बस्ने लालकुमारी पक्राउ परेकी हुन् ।
बरामद चरेशको अन्तर्राष्ट्रिय मूल्य ६ करोड २३ लाख ७० हजार रहेको भारतीय प्रहरीले जनाएको छ । सशस्त्र सीमा बल (एसएसबी) र आदर्श थाना रुपईडिहाको संयुक्त टोलीले जाँचका क्रममा उनीहरुलाई पक्राउ गरिएको भारतीय प्रहरीको भनाई छ ।
पक्राउ परेकी महिलाहरुले सो चरेश दाङबाट भारतको देहरादुन लैजान लागेको र आफुहरु भरियामात्र भएको बयान दिएकी छन् । निरीक्षक मनिषकुमार पाण्डेको नेतृत्वको टोलीले पक्राउ गरेको उनीहरुलाई आवश्यक अनुसन्धानका लागि बहराईच जिल्ला कारागार चलान गरिएको। भारती प्रहरीलाई उद्दृत गर्दै बाँके प्रहरीले जानकारी दिएको छ !

प्रकशित मिति : २९ मंसिर २०७६, आईतवार ०९:५७