सागर थापा
दाङ मंसिर २९ घोराही इन्सेक दाङले शिक्षा, स्वास्थ्य, खाद्य र आबास अधिकारको सवालमा आईतबार घोराहीमा आयोजना गरेको कार्यक्रममा घोराही उपमहानगरपालिका मेयर नरुलाल चौधरीले जनताको जीवन स्तर परिबर्तन हुने गरी कामलाई अघि बढाएको उल्लेख गरे ।सबै वडाका बस्तीहरुमा सडक पु¥याएको भन्दै अब उत्पादनलाई बजार सँग जोड्ने योजनाहरु कार्यान्वयनमा ल्याउने बताए । शिक्षामा विद्यार्थी अनुपातमा शिक्षक दरबन्दी मिलान गरिएको, खाजा कार्यक्रम लागु गरेको, सामुदायिक विद्यालयमा शिक्षण सिकाई प्रभावकारी बनाएको जानकारी दिए ।त्यस्तै स्वास्थ्य तर्फ सबै वडामा स्वास्थ्य केन्द्रहरु स्थापना गरिएको, रामपुर र नारायणपुरमा डाक्टर सहितको सेवा सुरुवात गरेको, जेष्ठ नागरिकको घरमै उपचार, सुत्केरी, सिकलसेल एनिमियाका विरामीलाई निशुल्क रगतको व्यवस्था र निशुल्क मोतियाबिन्दुको अप्रेशन गर्ने कार्यक्रमहरु कार्यान्वयन ल्याएको उल्लेख गरे । यसैगरी, कृषिमा यान्त्रिकिकरण गर्दै व्यवसायीक खेतीमा कृषकलाई आकर्षण गरिएको, आबासमा सुरक्षित घर निर्माणका लागि भवन निर्माण संहिता लागु गरिएको नगर प्रमुख चौधरीले जानकारी दिए ।
