एबिसी संचार जनकपुर अख्तियार दुरुपयोग अनुसन्धान आयोगले नेपाल प्रहरीका एकजना प्रहरी नायब निरीक्षक (सई) लाई घुससहित रंगेहात पक्राउ गरेको छ ।
आयोगले धनुषाको धारापानीमा कार्यरत सई कालीचरण पंजियारलाई १५ हजार रुपैयाँ घुससहित रंगेहात पक्राउ गरेको हो । आयोगको बर्दिबासको टोलीले धारापानिस्थित प्रहरी चौकी यज्ञभूमीमा कार्यरत सई पंजियारलाई १५ हजार रुपैयाँ घुससहित पक्राउ गरेको अख्तियार स्रोतले जनाएको छ ।
पंजियार दुर्घटनाको मुद्दा मिलाइदिने भन्दै एक स्थानीयसँग घुस लिँदै गर्दा शुक्रबार साँझ धनुषाको मिथिला नगरपालिका–६ ढल्केवर चोकबाट रंगे हात पक्राउ परेका थिए ।
घुस रकमसहित पक्राउ परेका सई पंजियारलाई आवश्यक कारवाहीको लागि अख्तियार दुरुपायोग अनुसन्धान आयोगको केन्द्रीय कार्यालय काठमाडौं टंगाल पठाइएको छ ।
