१३ जेठ २०८१, आइतबार
26-05-2024 , Sun
×

दाङको राप्ती गाउँपालिकाको स्यानीघोषमा सञ्चालनमा नआउदै मगर होमस्टेको उद्घाटन

Logo
प्रकाशित मंगलबार, पुष १५, २०७६

ओमप्रकाश गुप्ता
सिसहनियाँ १५ पुस दाङ देउखुरीको सुगम ठाउँको दुर्गम गाउँ राप्ती गाउँपालिका २ स्यानीघोषमा मगर होमस्टे सञ्चालनमा नअाउँदै उद्घाटन गरिएको छ । राप्ती गाउँपालिकाको २ नम्बर वडा कार्यालयले आइतबार एक कार्यक्रमको आयोजना गरेर होमस्टेको उद्घाटन गरेको छ । कुल २४ घरधुर रहेको सो गाउँ मगरबस्ती हो । कार्यक्रम स्थलमा एउटा बनकसले छाएको छानोको घरमा मगर होमस्टेको बोर्ड राखिएको छ तर भित्र कोठा पुरै खाली छ । वरिपरि हेर्दा न शाैचालय छ नत खानेपानी नै समस्या समस्यामै दिन रात बिताइरहेका ति बस्तीका बासिन्दा, गाउँका अगुवा र टोल विकास समितिका अध्यक्ष कसैलाई पनि थाहा छैन कति वटा घरमा होमस्टे सञ्चालन हुँदै छ र कति बजेट हो भन्ने कुरा। यस विषयमा वडा अध्यक्ष जगतबहादुर थापा सँग जिज्ञासा राख्दा होमस्टे सञ्चालनको प्रक्रियामा रहेको बताउदै अावासीय हुन नसके पनि दिवाकालिन रूपमा सञ्चालनमा अाएको बताए । उनले खानेपानी र शाैचालय निमार्ण हुना साथ अावासीय हुने बताएका छन् । वडा अध्यक्ष जगतबहादुर थापाको अध्यक्षता एवम् प्रदेश नम्बर ५ का प्रदेश सभा सदस्य इन्द्रजित चाैधरीको प्रमुख अातिथ्यतामा भएको होमस्टे उद्घाटन कार्यक्रममा राप्ती गाउँपालिकाका अध्यक्ष नुमानन्द सुवेदी ,उपाध्यक्ष जगदम्बाकुमारी चाैधरी,प्रमुख प्रशासकीय अधिकृत रामप्रसाद शर्मा , नेपाल कम्युनिस्ट पार्टी (नेकपा) का धर्मराज अधिकारी,नेपाली कांग्रेसका राप्ती गाउँपालिका सभापति दुर्योधन पाण्डे , राजमोका रमेशमान गुरूङ, भालुवाङ होटल व्यवसायी समितिका अध्यक्ष महेश बेल्वासे, वन महासंघ राप्ती गाउँपालिका अध्यक्ष हरि भुसाल राप्ती उद्योग वाणिज्य संघ भालुवाङका अध्यक्ष जगतप्रसाद पोख्रेल राप्ती गाउँपालिकाका प्रवक्ता तथा ७ नम्बर वडा अध्यक्ष विद्याशरण चाैधरी, साविक लालमटिया गाविसका पुर्व अध्यक्ष दोर्ण भुसाल र पत्रकार अोमप्रकाश गुप्ता लगायतका वक्ताहरूले शुभकामना मन्तव्य व्यक्त गरेका थिए । वडा सदस्य पिमा गाहा मगरको स्वागत मन्तव्यबाट सुरू भएको कार्यक्रमको सञ्चालन वडा सचिव दामोदर पोख्रेलले गरेका थिए ।

कमेन्ट गर्नुहोस्
सम्बन्धित

ABC (क्राईमबिट) काठमाडौं । विश्वको सर्वोच्च शिखर सगरमाथाको सफल आरोहण गरेका सशस्त्र प्रहरी निरीक्षक सुरज पौडेललाई प्रधान कार्यालय हलचोकमा स्वागत तथा सम्मान गरिएको छ । शुक्रबार सशस्त्र प्रहरी महानिरीक्षक राजु अर्याल तथा सशस्त्र प्रहरी अतिरिक्त महानिरीक्षकहरु नारायणदत्त पौडेल, चन्द्रप्रकाश गौतम र बंशीराज दाहाल लगायत बरिष्ठ अधिकृतहरुले पर्वतारोही सशस्त्र प्रहरी निरीक्षक पौडेलको प्रधान कार्यालयमा स्वागत गर्नुभएको […]

ABC (क्राईमबिट) काठमाडौं । प्रशिक्षार्थी दरबन्दी भएका ३३५ जना प्रहरी जवानहरुको सरुवा गरिएको हो । सूचनामा जेठ महिना देखि तलव, भत्ता समेत हाल सरुवा भएको दरबन्दीबाट खाने व्यवस्था गरिएको उल्लेख छ । साथै आवश्यक कारवाही गर्नु गराउनु हुन सम्बन्धित कार्यालयहरुलाई पनि प्रहरी प्रधान कार्यालयले निर्देशन दिएको छ ।

ABC (क्राईमबिट) काठमाडौं । प्रधानमन्त्री पुष्पकमल दाहाल ‘प्रचण्ड’को प्रमुख आतिथ्यमा राष्ट्रिय प्रहरी प्रशिक्षण प्रतिष्ठान महाराजगंजमा शुक्रबार प्रहरी निरीक्षक आधारभूत तालिम १-१८२औं (पोष्ट ग्रयाजुएट डिप्लोमा इन पुलिस साइन्स १३औं) समूहको दीक्षान्त समारोह सम्पन्न भएको छ । समारोहमा प्रधानमन्त्री दाहालले तालिममा सर्वप्रथम, सर्वद्वितीय एवम् सर्वतृतीय प्रशिक्षार्थीहरुलाई पुरस्कार प्रदान गर्नुभयो । समारोहलाई सम्बोधन गर्दै प्रधानमन्त्री दाहालले कठिन र […]