हतियारसहित आक्रमण गर्न आएका ५ युवाहरु प्रहरीको नियन्त्रणमा

(एबिसी संचार)
बाँके माघ ७ ईलाका प्रहरी कार्यालय कोहलपुरले घरेलु हतियारसहित ५ जना युवाहरुलाई पक्राउ गरेको छ।
विशेष सूचनाका आधारमा कोहलपुर नगरपालिका वडा नं १० स्थित एक होटलमा घरेलु हतियार जम्मा गरेर आक्रमणको योजना बनाईरहेको अवस्थामा ५ जना युवाहरुलाई पक्राउ गरेको ईलाका प्रहरी कार्यालय कोहलपुरका प्रहरी प्रमुख डिएसपी कुलदिप चन्दले जानकारी दिए ।
हतियारसहित पक्राउ पर्नेमा नेपालगन्ज वडा नं ७ का अंकित थापा, नेपालगन्ज वडा नं ७ कै प्रविन थापा, समिर खान, बारबर्दिया नगरपालिका प्रितम थापा र खजुराका रबि विक रहेका छन् ।
प्रहरीका अनुसार पक्राउ परेका युवाहरुले कोहलपुरकै एक युवकलाई आक्रमण गर्ने योजना बनाएर आएका थिए !