परासी । एकाविहानै नवलपरासीको पाल्हीनन्दन स्थित नेपालभारत सिमा नजिक १७ लाख वरावरका मोवाईल ऐसेसरीज बरामद गरिएको छ ।
सिमा सुरक्षा गुल्म महेशपुर र २६ नं गण वेलासपुर सशस्त्र प्रहरीको टोलीले सनिवार विहान ४ वजे सिमाक्षेत्र पाल्हीनन्दन-५, सिसवागाउँबाट मोवाईलका कभर तथा टेम्परग्लास वरामद गरेको हो ।
वरामद अवैध मोवाईल एसेसरिजहरु आवश्यक लिलामी कार्यवाहीका लागि महेशपुर भन्सार पठाईएको महेशपुर सशस्त्र प्रहरी गुल्मले जनाएको छ ।
बेलासपुर स्थित शसस्त्र प्रहरी २६नं गणले गएको साता भित्रमा ईलेटोनीक सिगरेट(भेप),कफीका दाना, मोवाईल ऐसेसरीज लगायतका झण्डै ९०लाख वढीका अवैध सामाग्री वरामद गरि भन्सार कार्यालय वुझाएको छ ।
गत साता देखी नवलपरासी पश्चिम क्षेत्रमा पर्ने भारतिय सिमानाकामा हुने हुने नियमित तस्करी गतिविधि माथी २६ नं गणका गणपती एसपी सन्तोष रायमाझीको कमाण्डमा रहेको शसस्त्र प्रहरीले तस्करी नियन्त्रण अप्रेसनमा सफलता प्रर्दशन गरिरहेकोमा स्थानीय व्यापारीहरुले खुसी व्यक्त गरेका छन ।
