बाँके । प्रविधि तथा गुण नियन्त्रण विभाग अन्तर्गतको नेपालगन्ज कार्यालयले बाँके जिल्लाको कोहलपुर नगरपालिका–७ स्थित डल्फिन फिड्स प्रालिमा भेटिएको उक्त परिमाणको गुणस्तरहीन मकै नष्ट गरेको हो ।
विभागका अनुसार सो कार्यालयले यही पुस १७ गते उद्योगको अनुगमन तथा निरीक्षणका क्रममा उद्योग परिसरमा ९३ बोरा मकै कैफियतयुक्त ट्याग लगाएर राखिएको पाइएको थियो । उक्त मकैको प्रयोगशाला परीक्षण गर्दा ५० बोरा मकैमा कैफियत देखिएको र बाँकी ४३ बोरा मकै प्रयोगका लागि उपयुक्त रहेको पुष्टि भएको थियो ।
विभागका परीक्षण प्रतिवेदनका आधारमा विभागको कार्यालयले कोहलपुर नगरपालिका–७ का वडाध्यक्ष तथा डल्फिन फिड्स प्रालिका सञ्चालकको रोहबरमा गुास्तरहीन मकै नष्ट गरेको जनाएको छ ।
नष्ट गरिएको मकैको परिमाण ५० बोरा (प्रतिबोरा ५० केजी) गरी जम्मा दुई हजार पाँच सय केजी रहेको छ । यसको अनुमानित मूल्य ८२ हजार पाँच सय रुपैयाँ बराबर रहेको कार्यालयले जनाएको छ ।
खाद्य सुरक्षाको मापदण्ड कायम राख्ने उद्देश्यले यस्तो कदम चालिएको जनाउँदै कार्यालयले उपभोक्ताको स्वास्थ्य सुरक्षाका लागि नियमित अनुगमन तथा गुण नियन्त्रण कार्यलाई निरन्तरता दिइने जनाएको छ । व्यापारिक प्रयोजनका गुणस्तरहीन मैक फिर्ता गरेको छ ।
