दाङ । घोराही मगर संघ घोराहीद्वारा घोराही उपमहानगरपालिका वडा नम्बर १४ स्थित गोरखा टोलमा पौष २५ गतेदेखि सन्चालनमा ल्याइएको ” दोश्रो सान्स्कृतिक तथा पर्यटन महोत्सव २०८२” मा घोराही उपमहानगरपालिकाको संयुक्त बजार अनुगमन टोलीले त्यहा रहेका विभिन्न ब्याबसायिक स्टलहरु खास गरि खाद्य सम्बन्धि व्यवसायहरुको अनुगमन निरीक्षण गरि देखिएका कमिकमजोरीहरुलाई सुधार्न आबश्यक निर्देशन दिएको छ । सो अनुगमन घोराही उपमहानगरपालिकाको उपभोक्ता हित संरक्षण शाखा, राजस्व व्यवस्थापन शाखा, जिल्ला प्रशासन कार्यालय , नेपाल पत्रकार महासंघ , वडा प्रहरी कार्यालय, घोराही नगर प्रहरी लगायतका विभिन्न नियमनकारी निकायहरुको उपस्थितिमा भएको हो । अनुगमनका क्रममा चाट पसलहरुले चाट तथा पानीपुरीमा रङ्ग मिसाएको मसला प्रयोग गरेको भेटिएको र केही म्याद गुज्रीएको चाउमिनका प्याकेटहरु भेटिएकाले ती सामाग्रीहरु नियन्त्रणमा लिइ नस्ट गरिएको छ ।
