दाङ । कपिलवस्तुको शिवराज नगरपालिका चन्द्रौटामा भएको महोत्सवमा सोमबार साँझ जी बबले गाउने क्रममा दर्शकहरु बार तोडेर भित्र पस्दा साउन्ड सिस्टम बन्द भएपछि आयोजकले फेरी गाउन नदिएर जी बबलाई स्टेज पछाडी लगेपछि आक्रोशित युवाहरुले मञ्च र सामान तोडफोड गरेका छन् ।
अन्तिम दिनमा जी बब का फ्यानहरु धेरै आउन थालेपछि सय रुपैयाँको टिकट एक्कासी आयोजकले दुईसय बनाएको हुँदा पनि युवाहरुमा पहिले देखि नै रिस थपिएको स्थानिय बताउँछन् ।
आयोजकले भने यो विषयमा केही बोलेका छैनन् । पुस १३ गतेदेखि चन्द्रौटामा सुरु दशौँ चन्द्रौटा कृषि, पर्यटन तथा औद्योगिक प्रदर्शनी २०८२ सोमबार अन्तिम दिन थियो ।
