सिन्धुलीको नेपाल एसबिआई बैंक लुट्यो गार्डमाथि हतियार प्रहार गरी गम्भीर घाइते

काठमाडौं । नेपाल एसबिआई बैंकको सिन्धुली जिल्लाको घ्याङलेख गाउँपालिकामा रहेको शाखामा डकैती भएको छ। बेलुकीतिर बैंकमा प्रवेश गरेका लुटेराहरूले सुरक्षा गार्डमाथि धारिलो हतियार प्रहार गरी गम्भीर घाइते बनाएका छन् भने बैंकका कर्मचारीलाई बाँधेर नगद रकम लुटी फरार भएका छन्।

स्थानीय बिर्ख वाइबा तामाङका अनुसार लुटेराहरू घटनापछि फरार भएका छन्। आक्रमणमा घाइते भएका सुरक्षा गार्डलाई उपचारका लागि नजिकैको अस्पताल लगिएको छ।

घटनाबारे थप विवरण आउन बाँकी रहेको छ। सुरक्षा निकायले घटनाको अनुसन्धान सुरु गरेको जनाएको छ।