काठमाडौं । के तपाईं हरेक दिन मदिरा पिउनुहुन्छ ? यदि हो भने सावधान हुनुहोस्, किनकि यसको थोरै मात्राले पनि तपाईंलाई एक–दुई होइन, धेरै प्रकारका क्यान्सर हुन सक्छ । एक रिपोर्टकाअनुसार कम वा धेरै मात्रामा मदिरा पिउँदा विभिन्न प्रकारका क्यान्सरको खतरा बढ्छ ।
मदिरा सेवन सबै क्यान्सरका घटनाहरू मध्ये ५ प्रतिशतभन्दा बढीसँग सम्बन्धित छ । ज्यान दिने क्यान्सरको जोखिम बढाउने कारणहरूमा मोटोपना र चुरोट पछि मदिरा तेस्रो नम्बरमा छ । यस्तो अवस्थामा मदिराबाट टाढा रहनु नै बुद्धिमानी हो ।
मदिरा पिउँदा मस्तिष्क क्यान्सर, घाँटीको क्यान्सर, स्तन क्यान्सर, कोलोरेक्टल क्यान्सर, कलेजो र पेटको क्यान्सरको खतरा बढी हुन्छ ।
के मदिरा पिउन छोड्दा क्यान्सरको खतरा कम हुन्छ ?
यदि मदिरा पिउन छोडियो भने यससँग सम्बन्धित क्यान्सरको खतरा ८ प्रतिशत र सबै प्रकारका क्यान्सरको जोखिम ४ प्रतिशतसम्म कम गर्न सकिन्छ ।
विशेषज्ञकाअनुसार बारम्बार मदिरा पिउँदा धेरै अंगहरू प्रभावित हुन्छ । किनकि मदिराले विषको रूपमा काम गर्छ, त्यसैले शरीर बिस्तारै खतरनाक र ज्यान लिने रोगको घर बन्छ ।
धेरै मानिसलाई थाहा छैन कि मदिरा पिउँदा क्यान्सरको खतरा हुन्छ, त्यसैले यसका लागि सचेतना आवश्यक छ । व्यक्तिहरू आफू पनि यसबाट टाढा रहनुपर्छ, नत्र स्वास्थ्यमा धेरै गम्भीर समस्या हुन सक्छन् । यसको कारणले ज्यानसमेत जान सक्छ ।
