काठमाडौं । सर्वोच्च अदालतको आदेश कार्यान्वयन गर्दै काठमाडौँ महानगरपालिकाले नदीकिनार क्षेत्रका निर्माणसम्बन्धी रोक्का फुकुवा गरेको छ ।
सर्वोच्च अदालतबाट जारी आदेशको आधारमा साविक व्यवस्थालाई निरन्तरता दिने निर्णय गर्दै माघ ७ गते सार्वजनिक सूचना जारी गरेको हो । यसअघि अदालतकै आदेशका कारण रोक्का गरिएको निर्माण प्रक्रिया अब पुनः सुचारु गर्न पाइने स्पष्ट गरिएको छ ।
महानगरपालिकाका कार्यवाहक प्रमुख सुनिता डंगोलले अदालतको आदेश पालना गर्नु महानगरको संवैधानिक दायित्व भएको बताउँदै विधि र प्रक्रियाभन्दा माथि कोही नरहेको स्पष्ट पारिन् ।
कार्यवाहक प्रमुख डंगोलले महानगरको नीति कसैलाई विस्थापित गर्ने नभएको स्पष्ट पार्दै नागरिकका दुःख–पीडामा महानगर सधैँ साथमै रहने प्रतिबद्धता व्यक्त गरिन् ।
