काठमाडौं । नेपाल प्रहरीमा प्राविधिक प्रहरी समूह अन्तर्गत स्वास्थ्य उपसमूह,नर्सिङ र विधि विज्ञानतर्फ विभिन्न पदमा बढुवा सिफारिस भएको छ।
प्रहरी प्रधान कार्यालयका अनुसार बढुवा समितिको आइतबार बसेको बैठकले एसएसपी, एसपी र डीएसपी पदमा बढुवा सिफारिस गर्ने निर्णय गरेको हो।
समितिको निर्णयअनुसार एसपी भिमकुमारी पाण्डेलाई एसएसपीमा बढुवा सिफारिस गरिएको छ।
त्यस्तै, डीएसपी मोहन सिंह धामी र ईशामाया केसीलाई एसपीमा बढुवा सिफारिस गरिएको छ भने इन्सपेक्टर मिनु अवाले र अशोक केसीलाई डीएसपीमा बढुवा सिफारिस गरिएको छ ।
प्रहरी प्रधान कार्यालयले बढुवाका लागि सिफारिस सूची प्रहरी नियमावली, २०७१ को नियम २७ को उपनियम (४) अनुसार सार्वजनिक गरिएको जनाएको छ ।
सिफारिसमा परेका सबै अधिकृतहरू हाल विभिन्न कार्यालयमा कार्यरत रहेका छन्।
