बाँके । शुक्रबार खजुरा बजारमा बिहान अज्ञात समूहले राखेको प्रेसर कुकुर बमलाई नेपालगन्जको राझाँबाट गएको नेपाली सेनाको बम डिस्पोजल टोलीले डिस्पोज गरेको इलाका प्रहरी कार्यालय खजुराले जानकारी दिएको छ ।
गत पृथ्वी जयन्तीका अवसरमा यसअघिको मनकामना चोकलाई पृथ्वी चोक नाम दिइएको हुँदा अज्ञात समूहले त्यस स्थानमा डर त्रास देखाउनका लागि समान्य प्रेसर कुकुर बम राखिएको हुन सक्ने प्रहरीले जनाएको छ ।
एकाबिहानै स्थानीयहरुले पृथ्वी चोकमा प्रेसर कुकुर बेरिएर राखिएको देखेपछि प्रहरीलाई खबर गरेका थिए । त्यसपश्चात् प्रहरीले बम राखिएको स्थानलाई घेराबन्दी गरेर सेनाको टोलीलाई खबर गरेको थियो ।
