काठमाडौं । यही चैत १३ गते मुलुकले नयाँ प्रधानमन्त्री पाउँदैछ । त्यसका लागि रास्वपाले आजको केन्द्रीय समिति बैठकबाट बालेन्द्र (बालेन) शाहलाई संसदीय दलको नेता बताएसँगै अर्को स्पेटको काम अघि बढ्छ ।
१३ गते राष्ट्रपति रामचन्द्र पौडेलले बालेनलाई प्रधानमन्त्रीमा नियुक्त गर्दै सपथ खुवाएसँगै वर्तमान प्रधानमन्त्री सुशीला कार्की स्वतः पदमुक्त हुनेछिन् भने शितलनिवासबाटै उनी निजी निवास जाने तयारी गरेकी छिन् । त्यसका लागि यतिबेला बालुवाटारबाट कार्कीका सामानहरु उनको निजी निवासमा सारिने काम भइरहेको छ ।
सुशीलाले बालुवाटार खाली गरेसँगै भावी प्रधानमन्त्री बालेन शाहले पनि बालुवाटार बस्ने तयारी गरेका छन् कि छैनन् ? त्यो अहिले नै थाहा भइसकेको छैन । सम्भवतः सपथ लिएसँगै सोही दिनदेखि बालेन बालुवाटारस्थित प्रधानमन्त्री निवासमा बस्न थाल्ने छन् । त्यसका लागि उनको सचिवालयदेखि प्रधानमन्त्री कार्यालयसम्म तयारी अवस्थामै रहेका छन् ।
