मोटरसाईकल दुर्घटना हुँदा सल्यानका एक शिक्षकको मृत्यु

(सागर थापा)
सल्यान माघ १४ मोटरसाईकल दुर्घटनामा परि मंगलवार सल्यानमा एक शिक्षकको मृत्यु भएको छ । जिल्लाको दार्मा गाउँपालिका वडा नं. १ रानिपानी घर भएका अन्दाजी ४३ वर्षीय शिक्षक टेकबहादुर केसीको दुर्घटनामा परि मृत्यु भएको छ ।
छत्रेश्वरी गाउँपालिका वडा नम्बर ६ स्थित कल्लेखोलामा शिक्षक केसी सवार रा ३ प ७००० नम्बरको मोटरसाईकल अनियन्त्रित भएर दुर्घटना हुँदा उनी गम्भीर घाइते भएका थिए । शिक्षक केसीको उपचारका क्रममा जिल्ला अस्पताल सल्यानमा मृत्यु भएको जिल्ला प्रहरी कार्यालय सल्यालने जानकारी दिएको छ ।
केसी नेपाल राष्ट्रिय माध्यामिक बिधालय दार्मा सल्यानका शिक्षक हुन भने नेपाल शिक्षक संघ दार्मा गाउँपालिकाका अध्यक्ष पनि हुन । दाङको तुलसीपुर आउन भनी हिडेका केसी बेलुका ४ बजेतिर दुर्घटनामा परेको सल्यान प्रहरीले जनाएको छ ।