बाँके । सशस्त्र प्रहरी बल,नेपाल नं. ३० गण हेडक्वार्टर बागेश्वरी बाँकेबाट खटिएको सशस्त्र प्रहरीको विशेष टोलीले डुडुवा गाउँपालिका–१ पाँजाचौफेरी क्षेत्रबाट भे २ त २३५ नम्बरको ट्याक्टरमा लोड गरी ल्याइँदै गरेको ६२० केजी सागा च्याउ बरामद गरेको हो।
उक्त सागा च्याउ २० कार्टुनमा राखिएको अवस्थामा फेला परेको सशस्त्र प्रहरीले जनाएको छ।
बरामद गरिएको सागा च्याउ ‘फुड सप्लिमेन्ट’ रहेको जनाइएको छ। यसको अनुमानित मूल्य २१ लाख रुपैयाँ रहेको छ भने प्रयोग गरिएको ट्याक्टरको मूल्य ९ लाख रुपैयाँ आकलन गरिएको छ। दुवैको कुल मूल्य ३० लाख रुपैयाँ रहेको सशस्त्र प्रहरीले जनाएको छ।
बरामद गरिएको सागा च्याउ र ट्याक्टर आवश्यक कारबाहीका लागि नेपालगन्ज भन्सार कार्यालयमा बुझाइएको छ। सशस्त्र प्रहरी बल ३० गण बाँकेमा एसपी भिमबहादुर चन्द आएदेखि सिमानाकामा निकै कडाई धेरै भन्दा धेरै तस्करीको दिनहुँ जसो सीमावर्ती क्षेत्रमा हुने अवैध सामान ओसारपसार नियन्त्रणका लागि सुरक्षा निगरानी थप कडा बनाइएको सशस्त्र प्रहरी बल नेपाल नम्बर ३० गण है.क्वाटर बागेश्वरी बाँकेले जानकारी दिएको छ ।
