दाङ । देउखुरी विपद पूर्व तयारी तथा प्रतिकार्य याेजना कार्यदलले विपद पूर्व तयारी तथा प्रतिकार्य याेजना निर्माण प्रकृयामा जुटेकाे छ । लुम्बिनी प्रदेश सरकारको आन्तरिक मामिला तथा कानून मन्त्रालय अन्तरगत गठित कार्यदल यस्तो तयारीमा जुटेको हो ।
सोही कार्यदलका संयाेजक तथा मन्त्रालयका विपद सम्पर्क व्यक्ति भुपबहादुर मल्लकाे अध्यक्षतामा शुक्रबार राप्ती उपत्यका देउखुरीमा बसेकाे पहिलाे बैठकले तत्काल विपद पूर्व तयारी तथा प्रतिकार्य याेजना निर्माण प्रकृया अगाडी बढाउने निर्णय गरेकाे छ ।
स्थानीय तहबाट जाेखिम तथा स्राेत नक्साङ्कनकाे काम कार्यलाई बैशाख मसान्तसम्ममा सूचना लिने बैठकद्वारा निर्णय गरिएको छ । साथै जेष्ठ महिनको दाेस्राे हप्ताभित्र विपद पूर्वतयारी तथा प्रतिकार्य याेजनाकाे मस्याैदा तयार गर्ने निर्णय समेत गरेकाे छ । त्यसका लागि पहिलाे चरणमा लुम्बिनी प्रदेशभरिका सबै स्थानीयतहबाट बिपद सम्बन्धि तथ्यांक संकलनका गरी पत्रचार गर्ने निर्णय पनि भएको छ ।
त्यसैअनुरूप बैठकले कार्ययाेजनाकाे मस्याैदा निर्माण गर्नुका साथै सबै पालिकाबाट आवश्यक तथ्यांक संकलनका लागि सम्पूर्ण सदस्यहरूले आवश्यक सहजीकरण गर्नुपर्ने निर्णय समेत गरेकाे छ ।
कार्यदल बैठकको अवसरमा बाेल्ने बक्ताहरूले एकीकृत विपद पूर्व तयारी तथा प्रतिकार्य याेजना निर्माण गर्न आवश्यक रहेकाे बताएका थिए । उनीहरूले छुट्टाछुट्टै कार्ययाेजनाले कार्य सम्पादनमा जटिलता सिर्जना गरेकाे समेत औंल्याएका थिए । वरिष्ठ परियाेजना युनिसेफ प्रदेश संयाेजक डम्मर बाेहराले सो बैठकको सहजीकरण गरेका थिए ।
