पर्सा । बिरगंज रौतहटको दिपही निवासी २० वर्षीया माही गुप्ताले आज बिहान करिब ९ बजे आफ्नै कोठामा पासो लगाई आ*त्महत्या गरेको प्रहरीले जनाएको छ। उनी मोडलिङ क्षेत्रमा सक्रिय रहँदै आएकी मोडल तथा टिकटक स्टारका रूपमा परिचित थिइन्।
उनको विवाह आफ्नै गाउँका विवेक गुप्तासँग प्रेम विवाह भएको थियो। श्रीमान–श्रीमतीबीच केही समयदेखि तनाव रहँदै आएको र श्रीमानले दोस्रो विवाह गर्ने तयारी गरिरहेको कारण उनी मानसिक तनावमा रहेको उनका साथीहरूले बताएका छन्।
आ*त्महत्या गर्नु अघि उनले आफ्नो टिकटक आइडीमार्फत एक भिडियो पोस्ट गर्दै आफ्नो पीडा व्यक्त गरेकी थिइन्।
करिब सात वर्षअघि उनले विवेक गुप्तासँग प्रेम विवाह गरेकी थिइन्।
घटनाबारे थप अनुसन्धान भइरहेको प्रहरीले जनाएको छ।
